Venres 6 de outubro de 2017 ás 21:00
Congreso de poesía
Gratuíta
Sala NEMONON - (Villa Pilar) Marqués de Riestra 11, 1º planta - Pontevedra
Nós tamén navegar. 40 anos de poesía galega é o título deste Congreso de Poesía organizado pola AELG, co que se pretende facer unha revisión da poesía galega nos últimos catro decenios, un exame da súa situación actual e do peso da poesía no sistema literario e na sociedade galega, tendo en conta a relevante diversidade de propostas, achegas e temáticas que mostran as diferentes poéticas existentes, e tamén analizar colectivamente os retos para o futuro.
OBXECTIVOS
Preténdese facer un debate aberto sobre o estado actual e recente da poesía galega, unanimemente recoñecida pola súa grande valía literaria, mais que padece unha certa invisibilidade social no seu propio territorio, o que fai máis necesario que nunca un Congreso onde se debatan diversas perspectivas sobre ela, como un punto de encontro onde reflexionar serena e abertamente arredor das experiencias vinculadas ao feito poético.
Dentro deste marco literario, o venres 6 de outubro terá lugar na sala NEMONON un recital de poesía e música, donde nos poderemos deleitar coa obra de poetas como Rosalía Fernández Rial, Xulio López Valcárcel, Antón Lopo, María do Cebreiro, Baldo Ramos, Ana Romaní, Daniel Salgado, Susana Sánchez Arins, Dores Tembrás e Vítor Vaqueiro, acompañados da música en vivo de César Morán.
Asociación de escritores en Lingua Galega (AELG)
Mauro Lomba - Arquitecto
NEMONON - Espacio Multidisciplinar creativo
Concello de Pontevedra
volver a